“Mançester Siti” ciddi böhran içindədir” – Sabiq futbolçu

“Liverpul”un keçmiş müdafiəçisi Cimi Karrager “Mançester Siti”nin uzun sürən böhranını şərh edib.

Komanda.az “Sky Sports”-a istinadən xəbər verir ki, hazırda ekspert kimi çalışan ingiltərəli mütəxəssis komandanın hazırda böhran içində olduğunu bildirib:

“Komanda hazırda ciddi böhran içindədir. Bir neçə həftə əvvəl başladı. “Şəhərlilər”i böyük mütəxəssis çalışdırır, ancaq onun belə, cavabı yoxdur. Pep Qvardiola müxtəlif sxemləri sınayır, indi onun üçün çətindir. Amma o, mübarizəni davam etdirir”.

“Mançester Siti” son 10 oyunda yalnız bir qələbə qazanıb. Qvardiolanın yetirmələri son dəfə səfərdə UEFA Çempionlar Liqası matçında “Yuventus”a 0:2 hesabı ilə uduzub.