Totti: “İndi oynasaydım, dünyanın ən yaxşısı olardım”

“Roma”nın və İtaliya millisinin sabiq hücumçusu Françesko Totti oynasaydı, hazırda dünyanın ən yaxşı futbolçusu ola biləcəyini düşünür.

Komanda.az xarici KİV-ə istinadən xəbər verir ki, o, Avropada daha güclü futbolçu tapa bilmədiyini deyib:

“İndi oynasaydım, dünyanın ən yaxşısı olardım. Hazırda Avropada Françesko Tottidən daha güclü futbolçu tapa bilmirəm”.

Totti futbolçu karyerasını 2017-ci ildə başa vurub. Sabiq hücumçu bütün karyerasını “Roma”da keçirib. 48 yaşlı Totti bu müddət ərzində İtaliya klubunun heyətində 785 oyun keçirib, 307 qol vurub və 205 məhsuldar ötürmə edib.