“İndi “Milan”dayam, kluba sadiqəm” – Jiru

“Milan”ın hücumçusu Olivye Jiru mövsümün sonunda klubu tərk edə bilər.

Komanda.az xarici KİV-ə istinadən xəbər verir ki, fransalı futbolçu MLS klubuna keçə bilər. Lakin o, hazırda İtaliya klubunda mövsümü yaxşı şəkildə başa vurmaq haqda düşündüyünü bildirib:

“Mən indi gələcəyi müzakirə etmək istəmirəm. Mətbuatda yazılanları gördüm. İndi mən “Milan”dayam, kluba sadiqəm. Mən mövsümü mümkün olan ən yaxşı şəkildə başa vurmaq istəyirəm, sonra baxarıq”.

Jiru 2021-ci ildən “Milan”da çıxış edir. 37 yaşlı forvard bu mövsüm A Seriyasında 28 oyun keçirib, 13 qol vurub və 8 məhsuldar ötürmə edib.