“Keçən mövsümü 12-ci yerdə başa vuran mən deyildim” – Poçettino

“Çelsi”nin baş məşqçisi Maurisio Poçettino İngiltərə kubokunda “Aston Villa” ilə oyun öncəsi komandanın ötən mövsümlə müqayisədə Premyer Liqada yaxşı mübarizə apardığını bildirib.

Komanda.az BBC-yə istinadən xəbər verir ki, o, komandada çoxlu dəyişikliklərin olduğunu deyib:

“Keçən mövsümü 12-ci yerdə başa vuran mən deyildim. Bəli, amma indi tamam fərqli heyət, çoxlu dəyişikliklər var. Bizə zərər vermək istəyirsizsə, bu müqayisələri edə bilərsiz, amma mənə elə gəlir ki, bu, yersizdir. Vəziyyəti təhlil etsəz, bunun yaxşı və ya pis olduğunu düşünmürəm. Müqayisə etmək çətindir, çünki indi bizim tamamilə fərqli bir layihəmiz var”.

“Çelsi” İngiltərə Premyer Liqasının əvvəlki mövsümünü 12-ci pillədə başa vurub. Yeni mövsüm başlamazdan əvvəl komanda Poçettinoya tapşırılıb və hazırda londonlular çempionatda 11-ci yerdədirlər.