“İmişli”nin yay hazırlıq planı müəyyənləşdi

Azərbaycan Premyer Liqasına vəsiqə qazanan “İmişli” futbol klubunun yay hazırlıq planı müəyyənləşib.

Komanda.az xəbər verir ki, bu barədə bölgə təmsilçisinin mətbuat xidməti məlumat yayıb.

Komanda iyulun 7-də məşqlərə start verəcək. Təlim-məşq toplanışı Bakıda baş tutacaq.

“İmişli” avqustun 9-dək paytaxtda məskunlaşacaq. Klub ümumilikdə 7 yoxlama oyunu keçirəcək. Onlardan “Karvan”, “Qəbələ”, “Şəfa”, “Şamaxı” və “Sabah 2” ilə qarşılaşmalar artıq dəqiqləşib.

Azərbaycan Premyer Liqasında yeni mövsümə avqustun 15-də start veriləcək.