“İlk oyundakı səhvlərimiz üzərində işləmişik” – “Şerif”in futbolçusu

“Zirə” sabah Avropa Liqasının 1-ci təsnifat mərhələsinin cavab matçında Moldovanın “Şerif” klubu ilə qarşılaşacaq.

Komanda.az xəbər verir ki, bu gün Moldova təmsilçisinin nigeriyalı futbolçusu Peter Ademo Bakıda təşkil olunmuş mətbuat konfransında iştirak edib.

O, sabah mərhələni adlamaq üçün əllərindən gələni edəcəklərini bildirib:

“Bir həftə ərzində yaxşı məşq etdik. Xususilə birinci oyundakı səhvlərimiz üzərində işləmişik. Sabah mərhələni adlamaq üçün əlimizdən gələni edəcəyik. Komandamızın yeni qurulmasına baxmayaraq, artıq bir-birimizə uyğunlaşmışıq. Artıq 1 aydır ki, bir yerdə məşq edirik”.

“Zirə” və “Şerif” arasında cavab matçı iyulun 18-də, saat 20:00-da “Dalğa Arena”da keçiriləcək. Moldovadakı ilk görüşdə Rəşad Sadıqovun baş məşqçisi olduğu komanda 1:0 hesablı qələbə qazanıb.

Fəxri Rüstəmli