“İlk məşqdən sənin necə xüsusi biri olduğunu gördüm” – FOTO

“Real”ın yarımmüdafiəçisi Luka Modriç sosial şəbəkə hesabında paylaşım edib.

Komanda.az xəbər verir ki, o, “kral klubu”nu tərk edən hücumçu Kərim Benzema ilə bağlı fikirlərini bölüşüb:

“11 il ərzində ən yaxşı futbolçulardan biri ilə oynamaq şərəfinə nail oldum. Kədərli olsam da, qürur duyuram. İlk məşqdən sənin necə xüsusi biri olduğunu gördüm. Hər şey üçün təşəkkürlər! Sənə uğurlar arzu edirəm!”

Benzema iyunun 4-də paytaxt klubu ilə son matçına çıxıb. O, 2009-cu ildən Madrid klubunda çıxış edirdi. Fransalı forvard “kral klubu”nda 647 oyun keçirib, 353 qol vurub və 165 məhsuldar ötürmə verib.