İkardi məşqlərə başlayıb

“Qalatasaray”ın bir müddətdir zədədən əziyyət çəkən hücumçusu Mauro İkardi məşqlərə başlayıb.

Komanda.az “NTV Spor”-a istinadən xəbər verir ki, argentinalı forvard komandanın bugünkü məşqində iştrak edib.

Onun Super Liqanın 21-ci turunda, yanvarın 21-də “Trabzonspor”la keçiriləcək oyunda meydana çıxacağı gözlənilir.

İkardi Super Liqada “Konyaspor”, “Sivasspor” və “Kayserispor”, kubokda isə “Ümraniyəspor”la oyunu buraxmalı olub.

Super Liqanın 18-ci turunda “Fənərbaxça” ilə matçda zədə alan forvardın üz sümüyündə qırıqlar və ayağında ağrı olduğundan, həkimlər ona bir müddət meydana çıxmamağı məsləhət görüb.