İK-nin iclasından sonra brifinq və mətbuat konfransı keçirilməyəcək

12/12/2019 | 18:30

Sabah – dekabrın 13-də AFFA-nın inzibati binasında İcraiyyə Komitəsinin (İK) iclası keçiriləcək.

Komanda.az xəbər verir ki, AFFA-nın rəsmi saytı iclasdan bir gün öncə maraqlı açıqlama yayıb.

Qeyd olunur ki, iclasda qəbul olunacaq qərarlar qurumun rəsmi saytında – affa.az-da yerləşdiriləcək. İclasdan sonra brifinq və mətbuat konfransının keçirilməsi isə nəzərdə tutulmayıb.

Xatırladaq ki, gündəlikdə 13 məsələyə baxılacaq:

Gəncə şəhər stadionunun ərazisində yeni, standart ölçülü (105×68 m.) süni örtüklü məşq meydanının inşasının başa çatması ilə bağlı məlumat
Aşağı yaş qruplarından ibarət milli komandaların baş məşqçiləri ilə əlaqədar müzakirə
Azərbaycan milli komandasının baş məşqçisi Nikola Yurçeviçin AÇ-2020-nin seçmə mərhələsi ilə bağlı hesabatı
Premyer Liqa klublarına uşaq futbolu üçün UEFA-dan ayrılmış maliyyə vəsaiti ilə bağlı hesabat
“Klubların lisenziyalaşdırması üzrə vəsait”in növbəti buraxılışı üçün əlavə və dəyişikliklərin müzakirəsi
AÇ-2020-nin Bakıda keçiriləcək oyunlarına hazırlıq prosesi ilə bağlı qısa məlumat
AFFA-nın “Feyr Pley” mükafatının təsis olunması və Əsasnaməsinin hazırlanması
“Azərbaycan Futbolunun Etik Kodeks”inin hazırlanmasının müzakirəsi
AFFA-nın Futbol Veteranları Fondunun Əsanaməsinə uyğun olaraq müvafiq şəxslərə təqaüdün ayrılmasının müzakirəsi
“Elit Məşq” kitabı ilə bağlı məlumat
AFFA-nın Nizamnaməsinə əlavə və dəyişikliklərlə bağlı təkliflərin hazırlanması
“Qəbələ” Futbol Klubu ilə bağlı müzakirə
AFFA-nın növbəti Konfransının tarixinin müəyyənləşdirilməsi