İddia: “Qarabağ” Polşa klubunun hücumçusunu istəyir

“Qarabağ” hücumçu axtarışlarını davam etdirir. 

Ağdam təmsilçisi “Legiya”nın fransalı hücumçusu Migel Alfarelanı transfer etmək istəyir. 

Komanda.az xəbər verir ki, bu barədə Polşanın “goal.pl” portalı məlumat yayıb. 

27 yaşlı futbolçuya başqa təkliflər də var. Alfarela ötən yay 1 milyon avroya Fransanın “Bastiya” klubundan “Legiya”ya keçib. Onun paytaxt təmsilçisi ilə müqavilə müddəti 2027-ci il iyunun 30-na qədərdir. 

“Transfermarkt” portalı onun bazar dəyərini 600 min avro qiymətləndirir. 

Alfarela karyerası ərzində “Qonfrevil”, “Annesi”, “Paris” kimi klublarda da oynayıb.