“Barselona”nın futbolçusu Almaniyada qala bilmədi

İcarə əsasında “Şalke”də forma geyinən Jan-Kler Todibo müqavilə ilə məxsus olduğu “Barselona”ya qayıdacaq.

Komanda.az xəbər verir ki, bu barədə “Şalke” klubunun idman direktoru Yohen Şnayder İspaniya mətbuatına açıqlamasında deyib. Şnayder, Todibonun transfer hüquqlarını almadıqlarını açıqlayıb:

“Todibonu ala bilərdik, ancaq artıq gecdir. Çünki onun bizimlə müqaviləsi 31 maya qədər idi”.

“Barselona” fransalı futbolçunun təzminat məbləğini 25 milyon avro olaraq müəyyənləşdirmişdi. Todibonun Kataloniya klubu ilə müqaviləsi 2023-cü ilin iyununda başa çatır.