İbrahimoviç yenə medalsız qalacaq – “Milan” ÇL-i qazansa

“Milan” ötən gecə digər İtaliya təmsilçisi “Napoli”ni üstələyərək (1:0, 1:1) UEFA Çempionlar Liqasının yarımfinal mərhələsinə yüksəlib.

Komanda.az xəbər verir ki, Milan klubu turnirin qalibi olsa belə, ulduz hücumçu Zlatan İbrahimoviç medal almayacaq.

Buna səbəb 41 yaşlı isveçlinin iştirak ərizəsində yer almamasıdır. O, bu mövsüm Çempionlar Liqasında matça çıxmayıb.

Xatırladaq ki, İbrahimoviç heç vaxt ÇL-in qalibi olmayıb.

“Milan” ÇL-in yarımfinalında “İnter” (İtaliya) – “Benfika” (Poruqaliya) cütünün qalibi ilə üz-üzə gələcək.