İbrahimoviç: “Mövsüm başlayanda sizə dedim ki…”

“Milan”ın sahiblərinin müşaviri Zlatan İbrahimoviç İtaliya superkubokunun finalında “İnter” üzərində 3:2 hesablı qələbədən sonra paltardəyişmə otağında çıxış edib.

Komanda.az xarici KİV-ə istinadən xəbər verir ki, o, komandanın performansını yüksək qiymətləndirib:

“Məqsədlərimizdən birinə nail olduq. Komanda belə istəklə oynayanda onlara qalib gəlmək çətindir. Mövsüm başlayanda sizə dedim ki, hər şey sizdən asılıdır, bütün problemlər sizin beyninizdədir. İndi bu zehniyyəti qoruyub saxlamaq, çempionatda xal toplamaq və mümkün qədər yüksəklərə qalxmaq lazımdır. Komandanı, baş məşqçini və onun heyətini təbrik edirəm, siz bir neçə gün ərzində çox iş görə bildiz”.

“Milan” matçın gedişində 0:2 hesabı ilə uduzsa da, oyunda dönüş yarada bilib.