İbrahimoviç cəzalandırıldı

Hazırda Amerikanın “Los Anceles Qalaksi” klubunun formasını geyinən Zlatan İbrahimoviç şiddətli davranış səbəbi ilə cəzalandırılıb.

Komanda.az xarici mətbuata istinadən xəbər verir ki, “Nyu York Siti”yə 2:0 hesabı ilə qalib gəldikləri matçda rəqib qapıçının boynunu sıxan 37 yaşlı futbolçuya MLS İntizam Komitəsi tərəfindən 2 oyunluq cəza verilib. O, “Kolorado Rapids” və “Orlando Siti” ilə matçlarda komandasına kömək edə bilməyəcək.

Bu mövsüm “Los Anceles Qalaksi”nin heyətində 10 matçda iştirak edən İbrahimoviç, bu oyunlarda 8 qolla yadda qalıb.