“İbrahimoviç bizim üçün oyunçu-məşqçi kimidir” – Hernandes

“Milan”ın müdafiəçisi Teo Hernandes İtaliya çempionatının 22-ci turunun matçında “Torino” üzərində qələbədə (1:0) isveçli hücumçu Zlatan İbrahimoviçin əhəmiyyətini qeyd edib.

Komanda.az “Football Italia”-ya istinadən xəbər verir ki, Hernandes İbrahimoviçin onlar üçün oyunçu-məşqçi kimi olduğunu deyib:

“Düzdür, İbra həmişə daha çox şey istəyir və o, bizim üçün oyunçu-məşqçi kimidir. Ona görə də, bu qələbə həm də onun sayəsindədir”.

41 yaşlı İbrahimoviç keçən ilin may ayından bəri ilk dəfə “Milan”ın oyun üçün iştirak ərizəsinə daxil edilsə də, meydana çıxmayıb.

“Milan” uğursuz üç oyunluq məğlubiyyət seriyasına son qoyub və A Seriyasının turnir cədvəlində 3-cü pilləyə yüksəlib.