“Bayern”i tərk edəcək Müller bəzi məqamlara aydınlıq gətirdi

“Bayern”in hücumçusu Tomas Müller Münhen klubundan ayrılması ilə bağlı vəziyyətə aydınlıq gətirib.

Komanda.az xarici KİV-ə istinadən xəbər verir ki, o, açıqlamasında bunları söyləyib:

“Son 17 il ərzində və xüsusən də, son bir neçə gündə mənə verdiyiniz böyük dəstəyə görə təşəkkür edirəm. Bu mənim üçün çox şey deməkdir. İndi ən vacib məqamlardan biri sabah Çempionlar Liqasında “İnter”lə oyunumuzdur. Vacib olan budur. Komandanın düşündüyü budur, mən də bu barədə düşünürəm.

Daha bir şey haqqında danışmaq istəyirəm, çünki çox yazılıb. Klubdan və özümdən açıqlamalar oldu. Mənimlə klub arasında heç bir neqativlik yoxdur. Biz səbirsizliklə gözləyirik. Həyatda elə vaxtlar olur ki, razılığa gələ bilmirsən, amma ümumi məqsədlərə çatmaq üçün yenə də eyni dalğa uzunluğunda üzürsən. Bir-birimizin gözünün içinə və gələcəyə pozitiv baxa bilərik”.

35 yaşlı futbolçu aprelin 5-də mövsümün sonunda Münhen klubundan ayrılacağını açıqlayıb.