Həsənalızadənin komandası səfərdə xal itirdi

Türkiyə 1-ci Liqasında 31-ci turun matçları keçirilib.

Komanda.az xəbər verir ki, Azərbaycan milli komandasının üzvü Bəxtiyar Həsənalızadənin formasını geyindiyi “Tuzlaspor” da növbəti matçına çıxıb.

İstanbul klubu səfərdə “Bandırmaspor”la qarşılaşıb. Bu oyunda qalib müəyyənləşməyib – 1:1.

Həsənalızadə də bu matçın iştirakçısı olub. 31 yaşlı futbolçu 90 dəqiqə oynayıb. O, 90+2-ci dəqiqədə sarı vərəqə də alıb.

“Tuzlaspor” 33 xalla 15-ci pillədədir.