“Hələ ölməmişəm, uğur qazanmaq istəyirəm” – Canni De Byazi

Futbol üzrə Azərbaycan milli komandasının baş məşqçisi Canni De Byazi gələcək karyerası barədə danışıb.

Komanda.az xəbər verir ki, italiyalı mütəxəssis yenidən uğur qazanmaq arzusunda olduğunu bildirib:

“Hələ ölməmişəm, yenidən uğur qazanmaq istəyim var. Bunun klub va ya yığma olması elə də önəmli deyil. Hələlik isə Azərbaycan millisinin sükanı arxasındayam. 2022-ci ilin sentyabrınadək müqaviləm var”.

Azərbaycandakı həyatından da söz açan 66 yaşlı baş məşqçi Bakıda tək yaşadığını söyləyib: “Həyat yoldaşım Konelyanodadır, qızım isə Padua universitetində oxuyur. Yemək bişirməyi bilirəm, həmçinin, burada italyan restoranları var”.

Ötən ilin dekabrında koronavirusa yoluxduğunu deyən De Byazi xəstəliyi ağır keçirdiyini əlavə edib: “Yeddi kiloqram arıqladım. Amma sağaldım”.