Hüseynovlu “Arda”dan növbəti heç-heçə

Bolqarıstan çempionatında 7-ci turdan təxirə salınmış oyunlar keçirilib.

Komanda.az xəbər verir ki, azərbaycanlı futbolçu Cəlal Hüseynovun komandası “Arda” da növbəti matçına çıxıb.

Sözügedən komanda evdə Sofiya təmsilçisi “Levski” ilə qarşılaşıb. Oyun qolsuz bitib – 0:0.

Cəlal da bu matçın iştirakçısı olub. O, 69-cu dəqiqədə meydana buraxılıb.

“Arda” hazırda 25 xalla 6-cı pillədə qərarlaşıb.