Hüseynovlu “Arda”dan ÇSKA ilə heç-heçə

Bolqarıstan çempionatında 15-ci turun oyunları keçirilib.

Komanda.az xəbər verir ki, azərbaycanlı futbolçu Cəlal Hüseynovun komandası “Arda” da növbəti matçına çıxıb.

Sözügedən komanda səfərdə Sofiya ÇSKA-sı ilə qarşılaşıb. Oyun qolsuz bitib – 0:0.

Cəlal da bu matçın iştirakçısı olub. O, 79-cu dəqiqədə meydana buraxılıb, 90+2-ci dəqiqədə sarı vərəqə alıb.

“Arda” hazırda 24 xalla 6-cı pillədə qərarlaşıb.