Hüseynovlu “Arda” Sofiyadan xalsız döndü

Bolqarıstan çempionatında 13-cü turun oyunları keçirilir.

Komanda.az xəbər verir ki, azərbaycanlı futbolçu Cəlal Hüseynovun yeni komandası “Arda” da növbəti matçına çıxıb.

Sözügedən komanda səfərdə Sofiya “Slaviya”sı ilə qarşılaşıb və məğlubiyyətə üzülüb – 0:1.

Cəlal da bu matçın iştirakçısı olub. O, start heyətdə meydana çıxıb və sonadək oynayıb.

“Arda” hazırda 22 xalla 5-ci pillədə qərarlaşıb.