Hummels İspaniya klubu ilə danışıqlar aparır

Dortmund “Borussiya”sının keçmiş müdafiəçisi Mats Hummels İspaniya klubu “Malyorka” ilə danışıqlar aparır.

Komanda.az xarici KİV-ə istinadən xəbər verir ki, almaniyalı futbolçu iyulun sonunda “Bolonya”ya keçməyə yaxın idi. Lakin o, tibbi müayinədən sonra düşünməyə vaxt ayırıb.

35 yaşlı futbolçu bu yay “Borussiya”dan ayrıldıqdan sonra azad agent statusu daşıyır.

Hummels ötən mövsüm “Borussiya”nın heyətində 40 oyun keçirib, 4 qol vurub və 1 məhsuldar ötürmə edib.