“Real”ın sabiq üzvü Danimarkada çempion oldu

Hollandiya millisinin sabiq üzvü Rafael van der Vart Danimarkada çempion olub.

Komanda.az xəbər verir ki, bu barədə o rəsmi “instagram” hesabından məlumat yayıb. Van der Vart “Esbyerq” klubunun 2-ci komandası ilə Danimarkanın 9-cu Liqasının qalibi olub.

Rafael van der Vart futbolçu karyerası ərzində “Ayaks”, “Hamburq”, “Real”, “Tottenhem” və “Betis” kimi klubların formasını geyinib. 109 dəfə də Hollandiya millisində çıxış edən yarımmüdafiəçi 2013-cü ildə yığmadakı karyerasını bitirib.