HJK “Qarabağ”la matçdan əvvəl mətbuat konfransını və məşqi ləğv etdi

UEFA Avropa Liqasının 3-cü təsnifat mərhələsində “Qarabağ”la qarşılaşacaq Finlandiyanın HJK klubunun Bakıya səfər proqramında dəyişiklik edilib.

Komanda.az yerli mətbuata istinadən xəbər verir ki, HJK paytaxta gecə saatlarında təşrif buyuracaq. Bu səbəbdən, baş məşqçi Toni Konkeakunnasın mətbuat konfransı və komandanın oyunöncəsi son məşqi ləğv olunub.

Avqustun 10-da Tofiq Bəhramov adına Respublika stadionunda keçiriləcək “Qarabağ” – HJK matçı saat 20:00-da start götürəcək. Komandalar arasında cavab oyunu ayın 17-də keçiriləcək.