“Heydər Əliyev-100”: Çexiya millisi ilk qələbəsini qazandı

Ümummilli Lider Heydər Əliyevin 100 illik yubileyinə həsr olunmuş beynəlxalq minifutbol turnirində günün ikinci oyunu keçirilib.

Komanda.az xəbər verir ki, A qrupunda yer alan Gürcüstanla Çexiya yığmaları Bakı Tennis Akademiyasında 3-cü tur matçında üz-üzə gəliblər.

İlk iki turda rəqibləri ilə bərabərə qalan çexiyalılar turnirdə birinci qalibiyyətlərini əldə ediblər. Qarşılaşma Gürcüstan seçməsinin 3:6 hesablı məğlubiyyəti ilə yekunlaşıb. Gürcüstan millisi qrupda son matçını bu gün axşam saatlarında Azərbaycan yığmasına qarşı keçirəcək.

Günün ilk oyununda Ukrayna CAR üzərində 6:1 hesablı qələbə qazanıb.

Bu gün Serbiya – İtaliya və Azərbaycan – Gürcüstan matçları olacaq. B qrupunda isə Türkiyə – Qazaxıstan və Ukrayna – Fransa görüşləri keçiriləcək.