Slot: “Heyətimizdən çox razıyam”

“Liverpul”un baş məşqçisi Arne Slot qış transfer pəncərəsi ilə bağlı planları haqda sualı cavablandırıb.

Komanda.az xarici KİV-ə istinadən xəbər verir ki, o, bunu deyib:

“Hər gün maraqlandığımız oyunçuları müzakirə edirik. Bu, transfer pəncərəsinin nə qədər tez olmasından asılı deyil. Təbii ki, üç müdafiəçinin zədələnməsi bizi narahat edir və yaxşı ki, bu qədər uzun müddət meydandan kənarda qalmayacaqlar. Bu mövsüm artıq dəfələrlə demişəm ki, heyətimizdən çox razıyam. Daha deməyə sözüm yoxdur, bazarda hansısa variant varsa, daha ətraflı danışarıq. İndi diqqətimizi növbəti bir neçə matça cəmləmişik”.