“Biz daha çox şeyə layiq idik” – Ranqnik

Avstriya millisinin baş məşqçisi Ralf Ranqnik AÇ-2024-ün seçmə mərhələsində Belçika yığmasına məğlubiyyət (2:3) haqda danışıb.

Komanda.az UEFA-nın mətbuat xidmətinə istinadən xəbər verir ki, o, oyunun gedişatını belə şərh edib:

“Yalnız öz komandamı tərifləyə bilərəm. Bu gün biz daha çox şeyə layiq idik. Hesab 0:3 olduqdan sonra heç kimin ağlına gəlməzdi ki, intriqanı geri qaytara bilərik”.

Avstriya və Belçika AÇ-2024-ün seçmə mərhələsində Azərbaycan millisi ilə birgə F qrupunda mübarizə aparır.