“İzahat verməyi sevmirəm” – Alleqri

“Yuventus”un baş məşqçisi Massimiliano Alleqri İtaliya A Seriyasının 15-ci turunun “Latsio” ilə (3:0) oyunundan sonra fikirlərini bölüşüb.

Komanda.az “Footbal İtalia”-ya istinadən xəbər verir ki, Alleqri əsas rəqiblərindən olan “Napoli”nin uğurlu mövsüm keçirdiyini bildirib:

“Futbolda izahat verməyi sevmirəm. Çünki hər şey gündən-günə sürətlə dəyişə bilər. Futbol həqiqətən sadədir: matçlarda qalib gəlmək lazımdır, bunun üçün müxtəlif yollar var. Futbolçularıma yalnız təşəkkür edə bilərəm!

“Napoli” mövsümü əla keçirir. Hazırda biz onlardan geridəyik. Cəmi altı tur əvvəl heç kim cədvəldə bizim üçüncü olacağımıza inanmırdı”.

“Yuventus” 31 xalla turnir cədvəlində üçüncü, “Latsio” isə 30 xalla dördüncü pillədə qərarlaşıb.

Bizi Telegramda izləyin