“Heç-heçənin bizə uyğun olduğunu düşünmürük” – Van Dayk

“Liverpul”un müdafiəçisi Vircil van Dayk İngiltərə Premyer Liqasının 12-ci turu çərçivəsində “Mançester Siti” ilə keçirəcəkləri oyunla bağlı açıqlama verib.

Komanda.az İngiltərə mətbuatına istinadən xəbər verir ki, hollandiyalı futbolçu, oyunla bağlı bunları deyib:

“Rəqibin yaratdığı təhlükə göz qabağındadır. Onlar çempiondurlar, onların dəqiq planı, fantastik məşqçiləri, futbolçuları var. Onları məğlub etmək çox çətindir. Hazırda “Mançester Siti”dən 6 xal irəlidəyik, amma bu, tez bir zamanda dəyişə bilər. Heç-heçənin bizə uyğun olduğunu düşünmürük, hər oyunda qalib gəlmək istəyirik.

Turnir cədvəlindəki mövqeyimizdən, qələbələrimizdən məmnunuq. Baş məşqçimiz Yurgen Klopp sadəcə, qarşıdakı oyuna köklənməyimizi istəyir, bu, bura gəldiyim gündən dəyişmir. Azarkeşlərin hisslərini başa düşürük, amma keçən mövsümü unutmamaq lazımdır. “Mançester Siti” bizdən bir xal irəlidə oldu, buna hörmət etməyimiz vacibdir”.

Bu gün keçiriləcək “Liverpul” – “Mançester Siti” oyununa saat 20:30-da start veriləcək.