Xavi: “Mən deyəndə ki, klubu yenidən qururuq, siz mənə qarşı çıxdız”

“Barselona”nın baş məşqçisi Xavi cari mövsümün sonunda Kataloniya klubunu tərk etmək qərarına gəlməsinin səbəblərindən danışıb.

Komanda.az “Mundo Deportivo”-ya istinadən xəbər verir ki, ispaniyalı mütəxəssis açıqlamasında belə deyib:

“Bura gələndə düşündüklərimi dedim. Mən deyəndə ki, biz klubu yenidən qururuq, siz mənə qarşı çıxdız. Mən də dedim ki, hazırkı “Barselona” 2010-cu ildəki “Barselona” deyil. Mənə elə gəlir ki, La Liqanı qazansaydım belə, bu rola uyğun gəlməzdim. Bunun tarixlə bağlı olduğunu düşünmürəm. Bu, ətraf mühitə, kluba, tələblərə və şəxsən mənə aiddir”.

Xavi ötən həftəsonu cari mövsümün sonunda komandadan ayrılacağını açıqlayıb. O, 2021-ci ilin noyabrından Kataloniya təmsilçisində baş məşqçilik edir.