İbrahimoviçə 6 oyunluq təklif

Hazırda “Los Anceles Qalaksi” klubunda forma geyinən Zlatan İbrahimoviç karyerasını Avstraliyada davam etdirə bilər.

Komanda.az xəbər verir ki, isveçli hücumçu “Pert Qlori” klubuna keçə bilər. Bu barədə Fransanın “Le Figaro” nəşri məlumat yayıb. Xəbərdə, “Pert Qlori” klubunun rəhbərliyinin İbrahimoviçin agenti Mina Rayola ilə danışıqlar aparacağı bildirilib. Avstraliya təmsilçisinin prezidenti Toni Seyc də bu məlumatı təsdiqləyib. Toni, İbrahimoviçə mövsümün qalan 6 oyununda forma geyinməsi üçün təklif göndərəcəklərini deyib.

İbrahimoviçin “Los Anceles Qalaksi” ilə olan müqaviləsi ilin sonuna qədərdir.