İbrahimoviç qayıdır

Hazırda İsveçdə olan “Milan”ın futbolçusu Zlatan İbrahimoviç İtaliyaya qayıtmağa hazırlaşır.

Komanda.az xəbər verir ki, bu barədə “La Gazetta dello Sport” nəşri məlumat yayıb. 38 yaşlı hücumçu “Milan”la məşqlərə başlamaq üçün İtaliyaya qayıdır.

İbrahimoviç İtaliyaya qayıtdıqdan sonra 14 gün karantində qalacaq və daha sonra komandaya qoşula biləcək.

İsveçli hücumçu koronavirus pandemiyasına görə İsveçə yollanmışdı və səhmlərinin bir hissəsinin sahibi olduğu “Hammarbü” klubuyla məşqlər edirdi.

İtaliyada artıq klubların bəziləri məşqləri bərpa edib.