Hazard texniki cəhətdən fantastik futbolçudur, amma… – Sarri

“Çelsi”nin baş məşqçisi Mauritsio Sarri, komandanın belçikalı futbolçusu Eden Hazardla bağlı açıqlama verib.

Komanda.az İngiltərə mətbuatına istinadən xəbər verir ki, 60 yaşlı mütəxəssis, Hazardın oyun anlayışını dəyişdirməsinin lazım olduğunu deyib:

“Hazard dəyişir. O, fərdi futbolçu olmağa öyrəşmişdi, amma belə oynamağı tərgitməsi lazımdır. Bunu etmək asan deyil, amma o, bu dəyişiklikdən sonra rəqiblər üçün daha təhlükəli futbolçu olacaq. Bunu bacaracağına inanıram. Hazard texniki cəhətdən fantastik futbolçudur, amma taktiki baxımdan inkişaf etməsi lazımdır”.

2012-ci ildə “Lill”dən 35 milyon avro qarşılığında “zadəganlar”a transfer olunan 28 yaşlı futbolçu, bu mövsüm iştirak etdiyi 22 oyunda 10 qol vurub, 10 məhsuldar ötürmə verib.