“Hansısa qərar verdiyimizdə sizə açıqlayacağıq” – PSJ prezidenti

PSJ-nin prezidenti Nasser Əl-Xələfi hücumçu Kilian Mbappenin klubdan ayrılmaq ehtimalından danışıb.

Komanda.az “Daily Mail”-ə istinadən xəbər verir ki, funksioner adı “Real”la hallanan forvard haqda bunları deyib:

“Mbappe bizimlədir. Hansısa qərar verdiyimizdə sizə açıqlayacağıq”.

Mbappenin yayda “Real”a keçəcəyi iddia edilir.

Fransalı hücumçu 2018-ci ildən PSJ-də çıxış edir. Onun klubla müqaviləsi mövsümün sonuna kimi nəzərdə tutulub.