La Liqanın rəhbəri: “Barselona” çətin vəziyyətdədir və uğuru daha qiymətlidir”

La Liqanın rəhbəri Xavyer Tebas çempionluq uğrunda mübarizədən danışıb.

Komanda.az xəbər verir ki, Tebas “Marca” nəşrinə açıqlamasında bunları deyib:  

“Barselona” iki il əvvəl La Liqanı qazandı, futbol riyaziyyat deyil. Hamı Kilian Mbappe haqqında deyirdi ki, “indi “Real” yenilməz olacaq”. Amma futbol belə işləmir.

Futbolçular uyğunlaşmalıdırlar, insandırlar… Xoşbəxtlikdən futbol belə getmir. Elə vəziyyətlər olur ki, Mbappe komandaya gəlir və heç nə qazanmır, ya da “Jirona” sona üç tur qalmış çempionluq uğrunda mübarizə aparır. “Barselona” çətin vəziyyətdədir və uğuru daha qiymətlidir, çünki heç kim bunu gözləmirdi”.

PSJ-dən ayrıldıqdan sonra Mbappe bu ilin yayında “Real”a keçib.