Haland İspaniya klubuna keçə bilər

“Mançester Siti”nin hücumçusu Erlinq Haland hazırda bütün diqqətini 2024/2025 mövsümünə cəmləyib.

Komanda.az xarici KİV-ə istinadən xəbər verir ki, bununla belə, Pep Qvardiolanın “Mançester Siti”dən mümkün gedişi norveçli hücumçunu gələn yay seçimlərini nəzərdən keçirməyə vadar edir. O, artıq öz nümayəndələrinə seçimlərini araşdırmağı tapşırıb.

Halandın “Real”a transferi istisna edilir, çünki Madrid klubunda artıq hücumda çoxlu futbolçular var. Eyni zamanda, onun “Barselona”da Robert Levandovskini əvəz edə biləcəyi və layihənin mərkəzi fiquru ola biləcəyi də ehtimal edilir. Haland üçün “Barselona”nın rəqabətədavamlı olması vacibdir. Amma onun keçidinə Kataloniya klubunun maliyyə problemləri əngəl yarada bilər.