“Haland getsə, təəccüblənməyəcəm”

“Borussiya”nın (Dortmund) idman direktoru Sebastyan Kehl komandanın hücumçusu Erlinq Halandın gələn həftə gələcəyi ilə bağlı qərar verməli olacağını deyib.

Komanda.az “Sport1”-ə istinadən xəbər verir ki, klub rəsmisi Halandın “Borussiya”dan ayrılacağına işarə vurub:

“Gələn həftə bəzi məsələlərə aydınlıq gələcəyini gözləyirəm. Haland getsə, təəccüblənməyəcəm”.

Haaland cari mövsümdə “Borussiya”nın heyətində 29 matçda 28 qol vurub və 8 məhsuldar ötürmə edib.

“Transfermarkt” portalı 21 yaşlı norveçli hücumçunun dəyərini 150 milyon avro olaraq göstərir.