Haland ikinci pilləyə yüksəldi

“Mançester Siti”nin hücumçusu Erlinq Haland Norveç millisinin bombardirləri siyahısında ikinci pilləyə yüksəlib.

Komanda.az xəbər verir ki, 23 yaşlı hücumçu buna Gürcüstana 2:1 hesabı ilə qalib gəldikləri AÇ-2024-ün seçmə mərhələ oyununda nail olub.

Görüşdə hesabı açan forvard yığmada 25-ci dəfə fərqlənməklə 1949-1960-cı illərdə millidə çıxış edən Harald Ove Hennuma çatıb.

Norveç yığmasının rekordçusu 33 qolla Yorgen Juvedir.