“Ona göstərmək istəyirəm ki, inkişaf etmək üçün çox şansı var”

“Leyptsiq”in baş məşqçisi Yulian Naqelsmann adı müxtəlif klublarla yanaşı çəkilən Timo Vernerlə bağlı açıqlama verib.

Komanda.az Almaniya mətbuatına istinadən xəbər verir ki, mütəxəssis, Vernerin klubda qalmasını istədiyini bildirib:

“Verner burda ona necə davrandıqlarını, həmçinin, mənim ona münasibətimi bilir. Ona göstərmək istəyirəm ki, inkişaf etmək üçün çox şansı var. Hər gün danışaraq, ona kömək edib-etməyəcəyimi bilmirəm. Bir futbolçu olduğu yerdə inkişaf edə biləcəyini, yaxşı olacağını özü hiss etməlidir. Bunu hiss etmirsə, burda qalmasını deməyim doğru olmaz. Bu, onun həyatı, karyerasıdır. Verner komandada qalmağa özü qərar verməlidir. Bu barədə deyiləcək yeni bir şey tapa bilmirəm”.