“Hələlik Messini tək qoymalıyıq”

Argentina millisinin müdafiəçisi Lisandro Martines Lionel Messinin yığmadakı gələcəyi ilə bağlı danışıb.

Komanda.az ESPN-ə istinadən xəbər verir ki, “Mançester Yunayted”in futbolçusu argentinalı hücumçunun milli komandadakı çıxışı haqda bunları deyib:

“Hələlik Messini tək qoymalıyıq. Qoy, qələbənin həzzini yaşasın. Milli komandada bizimlə birgə oynamağa davam etsə, bu, hamımız üçün yaxşı olacaq”.

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.