“Hələ heç nə qərar verilməyib” – “Barselona” rəsmisi

“Barselona”nın idman direktoru Deku İspaniya çempionatının 16-cı turunun matçında “Jirona”ya məğlubiyyətdən (2:4) danışıb.

Komanda.az xarici KİV-ə istinadən xəbər verir ki, o, Kataloniya klubunda icarə əsasında çıxış edən hücumçu Joao Feliksin gələcəyindən də söz açıb:

“Baş məşqçi Xavi? Hələ heç nə qərar verilməyib. Təbii ki, zirvədə qalmaq üçün rəqibimizə qalib gəlmək istəsək də, bacara bilmədik. Yaxşı başladıq, şanslar yaratdıq və hesabı bərabərləşdirə bildik. Amma şanslarımızı əldən verdik və sonda nəticə pis oldu.

Feliksin gələcəyi? Bizi hər gün nə etməli olduğumuz, komandanın nəticələri daha çox narahat edir. İndi Feliks və ya başqa icarəyə götürülmüş oyunçu ilə bağlı vəziyyət barədə danışmağın vaxtı deyil”.

16 turdan sonra “Barselona” La Liqada 34 xalla üçüncüdür. Çempionata “Jirona” başçılıq edir (41 xal).