“Həmişə son saniyəyə qədər mübarizə aparmaq lazımdır” – Şəhriyar Rəhimov

“Səbail”in müdafiəçisi Şəhriyar Rəhimov Azərbaycan Premyer Liqasının 22-ci turunda “Zirə” ilə qarşılaşdıqları oyun barədə fikirlərini bildirib.

Komanda.az xəbər verir ki, klubun saytına açıqlama verən Rəhimov, qalib gəldikləri görüş haqda bunları deyib:

“Üç xal qazandığımıza və qalib gəlməyimizə görə çox şadam. Həmişə son saniyəyə qədər mübarizə aparmaq lazımdır. İrəlidə “Sabah”a qarşı çətin oyunumuz var və tamamilə bu oyunun hazırlığına köklənmişik”.

“Səbail” “Zirə”ni Şəhriyarın 90+4-cü dəqiqədə vurduğu qolla məğlub edib – 2:1.

“Səbail” Premyer Liqanın 23-cü turunda səfərdə “Sabah”la qarşılaşacaq. Aprelin 7-də keçiriləcək görüş, saat 16:30-da start götürəcək.