Həm oxuyur, həm oynayır, həm də dərslərdən yayınır

“Barselona”nın 17 yaşlı müdafiəçisi Pau Kubarsi təhsil və futbolçu karyerasını necə birləşdirməsindən danışıb.

O, səhər məşqindən sonra məktəbə getdiyini bildirib. Kubarsi bəzən Çempionlar Liqası matçlarına görə dərsdən yayınmalı olur – sonra sinif yoldaşlarından qeydlər istəyir.

Komanda.az “RAC 1”-ə istinadən xəbər verir ki, futbolçu bütün bunlar haqda belə deyib:

“Mən orta məktəbin ikinci kurs tələbəsiyəm. Səhər “Barselona” ilə məşq edirəm, sonra məktəbə gedirəm və saat 15:00-dan 20:00-a kimi orada oluram. Çempionlar Liqası oyunu olsa və ya komanda ilə səfərə getməli olsam, dərsdən yayınmalıyam. Sonra sinif yoldaşlarımdan çatışmayan qeydləri xahiş edirəm”.