Gürcü futbolçu “Valensiya”dan ayrılmaq istəyir

AÇ-2024-də yaxşı çıxış edən gürcü qapıçı Giorgi Mamardaşvili cari transfer pəncərəsində “Valensiya”nı tərk edə bilər.

Komanda.az “Todofichajes”-ə istinadən xəbər verir ki, 23 yaşlı qolkiper komandasını dəyişməkdə maraqlıdır. Ona Səudiyyə Ərəbistanı çempionatının klubları maraq göstərir.

Mamardaşvilinin transfer dəyəri 45 milyon avro qiymətləndirilir. Onun “yarasalar”la 2027-ci ilin yayına qədər olan müqaviləsi var.

Gürcüstanlı futbolçu ötən mövsüm La Liqada keçirdiyi 37 oyunda qapısından 41 top buraxıb.