![](https://komanda.az/wp-content/uploads/2024/04/ilkay-gundogan.jpg)
Qətər klubundan Gündoğana 3 illik müqavilə təklifi
“Barselona”nın yarımmüdafiəçisi İlkay Gündoğan cari transfer pəncərəsində komandasını dəyişə bilər.
Komanda.az “Mundo Deportivo”-ya istinadən xəbər verir ki, almaniyalı futbolçunun xidmətinə “Əl Sədd” maraq göstərir. Belə ki, Qətər klubu 33 yaşlı yarımmüdafiəçiyə 3 illik müqavilə təklif edib.
İlkay bu yay karyera variantını nəzərdən keçirəcək. Onun “Barselona” ilə müqaviləsi 2025-ci ilin ortalarına qədərdir.
Almaniyalı futbolçu ötən mövsüm İspaniya çempionatında 35 oyun keçirib, 5 qol vurub, 8 məhsuldar ötürmə edib.
Bizi Telegramda izləyin
Bizi Facebook-da izləyin