“Etoya görə Moskvada bir mənzilə ayda 80 min avro kirayə pulu verilirdi”

“Anji”nin təşkilat departamentinin sabiq direktoru Dmitri Balaşov keçmiş hücumçu Samuel Etonun Mahaçqala klubunda aldığı maaşdan danışıb.

Komanda.az “Sport Express”-ə istinadən xəbər verir ki, Balaşov Kamerun millisinin sabiq futbolçusunun qazandığı məbləği biləndə təəccübləndiyini bildirib:

“Məbləğlər məni nə vaxt heyrətləndirdi? Bütün həyatım boyu bu, mənim başıma yalnız bir dəfə – məhz “Anji”də gəlib. Etonun müqaviləsinin məbləğini biləndə. Bu uyuşma idi. Nə qədər? Gündə 20 milyon rubl! Niyə yadımdadır? Dərhal kalkulyatorları çıxarıb bütün bunları saatlara, dəqiqələrə çevirməyə başladıq.

Etoya görə Moskvada bir mənzilə ayda 80 min avro kirayə pulu verilirdi. Bəli. Qızıl tualetlərlə? Heç bir fikrim yoxdur. Mən orada deyildim, bu mənim məsuliyyət sahəm deyil. Bilirəm ki, bunlar mərkəzdə, şəxsi lifti, hovuzu, saunası olan nəhəng mənzillərdir”.

Eto 2011-2013-cü illərdə “Anji”də çıxış edib. Sabiq hücumçu Mahaçqala klubunun heyətində 73 oyun keçirib, 36 qol vurub və 16 məhsuldar ötürmə edib.