Arda Gülər “Real”dan ayrılmaq istəmir

“Real”ın yarımmüdafiəçisi Arda Gülər yaxın gələcəkdə komandasını tərk etmək fikrində deyil.

Komanda.az AS-a istinadən xəbər verir ki, türkiyəli futbolçunun nə icarəyə getmək, nə də başqa kluba transfer olunmaq niyyəti yoxdur.

Ardanın “kral klubu”nu tərk edə biləcəyi ilə bağlı xəbərlər yayılmışdı. “Fənərbaxça” 19 yaşlı futbolçunu geri qaytarmaqda maraqlı idi. Amma o, bütün diqqətini “Real”da oynamağa cəmləyib və ayrılmaq fikrində deyil.

Arda cari mövsümdə “Real”ın heyətində bütün yarışlarda 10 matça çıxıb. O, ötən mövsüm İspaniya çempionatında iştirak etdiyi 10 matçda 6 qol vurmuşdu.