Sabiq futbolçu “Tottenhem”i “xarakteri olmayan komanda” adlandırdı

“Liverpul”un keçmiş futbolçusu Cimi Karrager “Tottenhem”lə bağlı fikirlərini açıqlayıb.

Komanda.az “Sky Sports”-a istinadən xəbər verir ki, ingiltərəli sabiq müdafiəçi “Tottenhem”in əksər insanların yaddaşında belə qalacağını bildirib:

“Tottenhem” azarkeşləri deyirdilər: “Bizim “Tottenhem” geri döndü.” Və o geri döndü: əla hücum və qapını “təmiz” saxlaya bilməyən dəhşətli müdafiə. “Tottenhem” əksər insanların yaddaşında belə qalacaq. Gözəl oyun oynayan, ancaq heç bir xarakteri olmayan bir komanda”.

Angelos Postekoqlunun yetirmələri Premyer Liqanın turnir cədvəlində 24 xalla 15-ci yerdədir. Komanda vurulan qolların (45) sayına görə yalnız “Liverpul”dan (50) geri qalır.

“Tottenhem” son 10 liqa matçında 1 qələbə qazanıb, 2 heç-heçə edib və 7 oyunda məğlub olub.