“Bu fürsəti əldən verə bilməzdik” – İnzaqi

 “İnter”in baş məşqçisi Simone İnzaqi Çempionlar Liqasının qrup mərhələsinin 5-ci tur matçında “Viktoriya”nı (Plzen) məğlub etdikləri oyunu şərh edib.

Komanda.az xarici KİV-ə istinadən xəbər verir ki, o, gözləntilərini aşdıqlarını deyib:

“Oyunçularım, klubum və gözəl azarkeşlərimiz olduğu üçün xoşbəxtəm. Çox çətin qrupda olduğumuzu başa düşürdük. Ancaq ümidimiz var idi, növbəti mərhələyə çıxmaq istəyirdik və vaxtından əvvəl 1/8 finala vəsiqə qazandığımız üçün gözləntilərimizi aşdıq.

Məqsədimizə çatmaq üçün xüsusi bir şey etməli idik. Dörd xal qazandığımız “Barselona” ilə ikili qarşıdurma bizə yüksək qiymət verdi. Və biz bu fürsəti əldən verə bilməzdik. “İnter” və azarkeşlər üçün bu gecə yaddaşlarda qalacaq”.

“İnter”in ÇL-in qrupda 10 xalı var.