“Gələn mövsüm skudettonu qazanmaq istəyirik”

“Monza”nın prezidenti Silvio Berluskoni klubun növbəti mövsüm üçün planlarından danışıb.

Komanda.az “Corriere della Sera”-ya istinadən xəbər verir ki, o, növbəti mövsüm İtaliya A Seriyasını qazanmaq istədiklərini deyib:

“Monza” yaxşı çıxış edir. Bizim çox mühüm vəzifələrimiz var. Onlara inanan hər kəs qalib gəlir. Rafael Palladino (“Monza”nın baş məşqçisi”) Covanni Stroppanı (“Monza”nın keçmiş baş məşqçisi”) öncədən əvəzləsəydi, “Milan”a yaxın pillələrdə ola bilərdik.

Gələn mövsüm skudettonu qazanmaq istəyirik. Böyük klub olacağımıza inanmalıyıq. İnanan həmişə qalib gəlir”.

“Monza” hazırda İtaliya çempionatında 25 xala malikdir və 11-ci yerdədir.